Maria Babo Fátima Pereira estudante ida husi eskola Báziku Sentrál (EBC) terseiru siklu Bidau Akadiruhun mout iha valeta Audian área loja Top One nia sorin kuaze oras rua.

Hafoin hetan apoiu husi ekipa bombeiru no komunidade sira, husi valeta laran, vitima evakua kedas ba Ospitál Nasionál Guido Valadares (HNGV) maibé ikus mai la konsege salva vitima nia vida ka hakotu nia iis.

Joaquim xavier nu’udar sasin hateten, nia haree vitima ho nia kolega sira hakat ona ba estrada sorin atu ba uma iha udan boot nia laran to’o besik iha valeta ninin Top One sorin, bee mós tun maka’as derrepente vitima namdoras hodi monu ba bee laran.

“Ha’u hakilar hodi husi ajuda ba kolega sira atu salva alin oan ne’e tanba ha’u hare ninia kolega sira mós hakilar maka’as ami tenta sobu sai fosa matan valeta nian maibé la hetan tanba bee maka’as los”,

Nia haktuir, esforsu ne’ebé sira halo konsege konvida ema barak ninia apoiu maibe la konsege nafatin. Tanba udan kontinua tuun maka’as entaun la konsege identifika pardeiru vitima

Baca Juga : PR LU OLO DEKRETA HALOT RAMA METAN IHA JARDIM DOS HEROIS METINARO

nian. Entaun sira hein to’o udan para. Maibe liu tiha oras rua mak vitima foin hetan maibe distansia metru 100 husi fatin ne’ebé vitima mout.

“kuandu haree kondisaun vitima nian ita bele dehan labele salva tanba ninia kondisaun grave totál. Husi ninia oin no kabun bubu hotu ona tanba oras rua iha valeta okos nia hemu bee fo’er. Maske nia sei dada iis maibe ita entrega ba maromak”, dehan nia iha fatin akontesementu Audian, kinta (23/01/2020).

Entertantu informasaun seluk ne’ebé  hetan husi vitima nian kolega sira katak, nia hela iha Becora mak eskola iha Bidau Akadiruhun. Maibé tanba sira eskola lorokraik sala-de-aula la sufisiente entun parte eskola tranfere vitima ho nia Kolega sira mai fali iha antigu-eskola xina de Nu’ularan.

Portantu tuir informasaun balun hateten katak depois vitima evakua ba HNGV atu hetan tratamentu intensive maibé la konsege salva vitima NO hakotu nia iis. Agora daudaun Familia sira lori ona isin mate Maria Babo Fatíma Pereira fila hikas ba ninia uma iha suku Becora.