Akontese Oknum Polísia Nasionál Timor-Leste (PNTL) tiru sidadaun na'in-3 iha parte Lahane, Suku Postu-administrativu Vera Cruz, Munisipiu Dili maizoumenus tuku 2:15 madrugada, sabadu 05 Fulan-Juñu tinan 2021.

Akontesimentu ne'e rezulta sidadaun nai'in-2 mate, no ida dadaun baixa hela iha Hospital Nasionál Guidu Valadares (HNGV).

Ho situasaun ne'e, Sosiedade Sivíl husi organizasaun Yayasan HAK kondena makas ba asaun ne'ebé oknum PNTL halo ba sidadaun. 

Vise Diretora HAK, Filomena Baros dos Reis hatete, nia parte kondena makas atuasaun oknum PNTL nian, tanba lolos agresaun fízika nunka bele halo ba populasaun.

"Ita tenke hare katak tanba asaun polisia ida nian halo hotu-hotu vitima, tanba ne'e mak HAK kondena, ne'e kriminozu,"hatete nia ba www.tempotimor.com liu-husi telefone sabadu (5/6).

Husu atu Membru polísia sira

Baca Juga : Kruzeiru ho Turista 82 Vizita Sitiu Turistiku iha TL

tenke hatene halo nia servisu tuir lei ne'ebé haruka, hodi proteze no husu ko'alia didi'ak, la'os uza forsa no uza kilat hodi tiru fali populasaun, ne'e kriminozu.

Rekomenda mós ba Ministériu Defeza (MD) liu-liu Komandante Jeral PNTL, komisiariu Faustino da Costa atu fo orientasaun  ne'ebé klaru no loloos ba polísia sira wainhira hala'o atuasaun labele uza kilat hodi tiru fali populasaun.

"Se karik maka problema ne'e hotu-hotu mosu uza forsa ho forsa, imi (polisia) bele halo atuasaun, maibé tenke hatene atua, polisía tenke profisional,"nia sujere. (*)