Negosiante iha área Beheda, Munisípiu Manatuto, Maria Eduarda da Costa, hateten nia parte prontu koopera ho Governu atu muda sai hosi fatin ne’ebé daudaun ne’e iha konstrusaun estrada, maibé presiza selu indemnizasaun ne’ebé dignu.
“Horibainhira ne’e Governu nia ema balun mai ko’alia ho ami iha ne’e. Sira dehan ami nia kios sira ne’e tenke muda no atu fó de’it $900, tanba ne’e ami lakohi maibé sé sira fó boot oituan ami hakarak”, tenik Maria Eduarda ba Agência Tatoli iha ninia fatin negósiu, área Beheda, kuarta ne’e.
Nia dehan, negosiante sira presiza osan boot oituan atu bele selu kréditu.
“Ami mós kréditu hela osan hosi banku no Tuba Raimetin, tanba ne’e sé ami muda sai ba fatin seluk no hetan lukru hanesan fatin ne’e di’ak, maibé sé la’e karik ami atu selu osan kréditu oinsá?”, negosiante ne’e
Baca Juga : Konfrontu Ai-mutin Tanba Tolok
akresenta.
Baca Juga : Konfrontu Ai-mutin Tanba Tolok
akresenta.
Nune’e, nia dehan Governu bele ateru tan rai ba kotuk hodi bele halo luan tan estrada.
“Ami husu ba Governu mak ne’e. Sé sira hakarak bele ateru tan rai ida hosi kotuk ne’e para halo estrada ne’e luan tan oituan atu ami nia kios bele muda de’it ba kotuk. Bainhira muda ba fatin seluk ami lakohi tanba ami nia fatin mak ne’e de’it ona”, nia realsa.
Iha área Beheda daudaun ne’e iha konstrusaun estrada ligasaun Dili-Manatuto, tanba ne’e sei iha libertasaun rai ba komunidade sira ne’ebé iha área refere.
Nune’e mós, área ne’e iha estátua Santo António ne’ebé hanesan fatin reza ba sarani sira, maibé tuir informasaun, bainhira kompañia atu halo luan estrada sei la kona estátua ne’e.
0 Comments