Conteudo Seluk

Numeru Moras HIV/SIDA Aumenta Makas Iha Timor

Númeru moras HIV/SIDA iha Timor Leste (TL), dadauk ne’e, sa’e maka’as, tanba kuaze besik ema rihun mak hetan ona moras ida ne’e.
Ho ida ne’e, Padre Agostinho de Jesus Soares SDB mós, preokupa ho moras ida ne’e, tanba kada fulan no tinan, númeru moras ida ne’e kontinua aumenta.
Tanba ne’e, Padre Agostinho husu ba joven no kaben nain sira atu tau aan didiak no rai nafatin fidelidade ba malu no rai aan didiak mak bele minimiza moras HIV/SIDA ne’e.
“Ha’u hanoin dalan úniku atu ita bele minimija númeru HIV/SIDA iha TL mak, joven sira tenki kuidadu no rai aan didiak to’o bainhira kaben. Labele lori imi nia aan halo tuir kultura no moris modernu ne’ebé mai husi rai liur, halo buat arbiru, maibé lahatene nia konsikuensia mai ikus ne’e oinsa ,” hateten Padre Agostinho de Jesus Soares ba Jornalista sira iha Salão Paroquia Sagrada Coração de Jesus Becora Dili, Sesta (30/11/2018).
Padre Agostinho haktuir, moras HIV/SIDA nudar moras ida ne’ebé mak to’o ohin loron seidauk iha aimoruk, maibé laiha konsensia nafatin husi entidades hotu atu hadok aan husi moras ida ne’e.
Tuir Padre Agostinho, moras refere lafasil atu daet ba ema, la’os tanba obrigasaun ou moras ida ne’ebé mak tama iha kategória fasil atu hadaet hanesan, moras sira seluk hanesan TB, inus metin no seluk tan, maibé HIV/SIDA mós fasil kona ema, bainhira ema laiha

Baca Juga : Hakarak hetan REZULTADO Togel via SMS

konsensia atu kuidadu aan, no fó limitasaun ba nia aan, oinsa hadok aan husi ransu livre.
“Ha’u rona iha radio hare’e iha televizaun no le iha jornal, moras HIV/SIDA agora sae makaas los, kompara ho tinan hirak liu ba, ne’ebé ita bele hateten bele sura ho liman, maibé agora sa’e besik rihun tolu, ida ne’e númeru ida ne’ebé la’os halimar, maibé númeru ida ne’ebé mak halo ami sente preokupa tebes. Ohin loron buat hotu ita dehan agora liverdade, liberdade ida ne’e los, maibé liberdade ida hanesan ne’ebé lai, dalaruma ita uza sala tiha liafuan liberdade ne’e, hodi halo arbiru, ne’ebé joven barak hetan moras, kaben nain sira mós hetan moras no aat liu tan mak hadaet fali ba oan sira ne’ebé mak lolos la involve direita”, lamenta Pe. Agostinho.
Antes ne’e Vice Reitor Asuntu estudantil Padre Rheniel Nehimm SDV, mós husu ba joven sira atu labele tenta koko halo relasaun sexsual, tanba relasaun sexsual ne’e so ema kaben nain mak bele halo.
“Igreja nia mensajen mak ne’e, joven sira labele koko atu halo relasaun sexual, tanba relasaun sexual ne’e so ema ne’ebé mak kaben ona, la’os foin namora koko ona, relasaun sexual ne’e tenki halo ho tempu no fatin ne’ebé mak determinadu labele iha fatin arviru,” katak Padre RhenielNehimm SDV.
Total Pasiente ho moras HIV/SIDA positivu ne’ebe mak Ministerio Saude no Comisaun Nasional Combate HIV/SIDA, identifika hahu husi tinan 2013 too 2018 hamutuk 832 no husi númeru ne’e ema nain 11 mak mate..

0 Comments

Sign In Sign Up Sign In By Facebook