Jurista Timor-oan Fernando da Costa, konsidera, kazu soke mat aman-oan ne’ebé envolve hosi suspeitu JSS, nu’udar Prokuradora Distritu Dili nia oan la’o tuir hela prosedimentu legais.

Kona-ba públiku nia preokupasaun hodi deskonfia kazu ne’e la’o naksalak tanba suspeitu la kumpre detensaun oras 72 nia laran, Fernando da Costa, esplika, Ministériu Públiku (MP) mak nain ba asaun penal tanba ne’e MP hala’o hela nia servisu hodi aplika TIR (Termu Identidade Rezidénsia), la signifika, suspeitu livre ona, maibé iha hela prosesu investigasaun atu MP submete ba julgamentu iha Tribunal.

“Ha’u hanoin lei aplika ba

Baca Juga : Eletrisidade soke mate Andre Afonso

ema hotu hanesan, maibé ninia prosedimentu mak la hanesan tanba la prienxe rekizitu flagrante deleitu,” esplika Fernando da Costa, ba Ajénsia TATOLI, ohin, iha Faról, Dili.

Iha biban hanesan, jurista timor-oan, José Camões, hateten, kuandu suspeitu ida atu detein oras 72 kompeténsia tenke hosi Ministériu Públiku tamba nu’udar nain ba asaun penal.

“Ha’u hanoin kona-ba kazu suspeitu ne’ebé mak soke mate vítima nain rua no suspeitu atu kumpre detensaun oras 72, polisia hein de’it kompeténsia husi Ministériu Públiku ne’ebé mak sai nain ba asaun penal,” José Camões hateten.