Iha Segunda (03/12/2018) ne’e mais ou menus tuku 3 lorokraik, Donito Fatima do Rosario, Nico Mendonsa, Ruben Mendonsa no Dionizio Fátima de Rosario, hetan mate isin bebé ne’ebé ema deskoñesidu soe iha Aldeia Fomentu 2, Suku Komoro, Postu Administrativu Dom Aleixo, Munisípiu Díli.

Tuir Donito Fatima do Rosario katak, sira nain hat atu hili lata mamuk no besi at atu ba tetu, maibe sira horon is ida ne’ebé dois los, no sira hetan duni baut ida ne’ebé falun ho plastiku, no hetan duni bebé isin mate.

“Ami hili lata ma kami hetan bebé ne’e, no bolu kedas maun ida mai hodi hare, depois mak maun ne’e telephone ba Polísia hodi mai hare. Maibe ami hanoin laos labarik, miabe ema hotu mai hare labarik ida mak ema soe”, esklarese

Baca Juga : LAIHA TRANSFORMADOR REZERVA, EDTL HAMATE AHI LORON TOMAK IHA DILI

Donito.

Nia dehan, antes ne’e mos sira lahatene katak ema soe labarik entaun sira kontinua buka lata mamuk hodi hili, maibe maun ne’e mai haree labarik ida mak ema falun iha plastiku mak soe hela iha fatin refere.

Hafoin liu tiha minutu balun Polísia Nasional Timor Leste (PNTL) forensick to’o iha fatin akontesimentu refere hodi evakua vitima ba Hospital Nasional Guido Valadares (HNGV) hodi hala’o prosesu autopsia.

Entretantu kazu soe bebé akontese ona iha tinan ne’e iha Díli mak hanesan, Bekusi Kraik, Markoni, Aeroportu Komoro no iha Munisípiu Viqueque. Kazu ema deskoñesidu soe bebé ne’e akontese dalabarak ona, maibe autoridade seguransa liu-liu Polísia Nasional Timor Leste (PNTL) seidauk identifika autor sira ne’ebé soe bebé