Conteudo Seluk

Miro Lori Boavista Manan Ponta Leste

Eis treinadór Portu Taibessi, Miro Valdo Bento, susesu lori Boavista FC Timor manán AS Ponta Leste ho golu mihis (1-0) iha jogu kontinuasaun Primeira Divizaun Liga Futeból Amadora (LFA) ne’ebé hala’o iha Estádiu Munisipál Dili, sábadu ne’e.

Antes ne’e, Miro hanesan asistente treinadór Boavista FC Timor no treinadór prinsipál mak Fabiano José Flora.
Maibé tanba Fabiano hetan fiar hosi Federasaun Futeból Timor – Leste (FFTL) iha fulan hirak liu-ba kotuk hodi sai hanesan treinadór ba Selesaun Nasionál, nune’e mak treinadór nasionalidade Portugéza ne’e desidi foku loos de’it ba selesaun no husik ona Boavista.
Tanba ne’e, Miro hatete, sente kontente tebes tanba foin simu kna’ar todan maibé konsege hatudu rezultadu di’ak.

“Ha’u kontente loos. Ha’u husu jogadór

Baca Juga : Orario Liga Inggris

sira ajuda ha’u, sira ajuda duni ha’u no ami manán. Ha’u sei serbisu maka’as liután,” dehan Miro.
Nia promete, hela de’it jogu tolu hodi termina Liga Futeból Amadora (LFA) époka 2019, Boavista tenke manán hotu.
Golu vitória Boavista nian prodúz hosi José Guterres (21) iha minutu 29.

Entretantu, Treinadór AS Ponta Leste, Eduardo Pereira hatete, golu úniku ne’ebé Boavista hatama tanba fallansu hosi guarda rede.
“Golu ida ne’e akontese tanba fallansu iha guarda rede, maibé tama ba segunda parte ha’u koko halo mudansa estratéjia mós la konsege manán. Maski nune’e, ami sei esforsu nafatin,” katak Eduardo.
Jogu refere dirije hosi árbitru Jaime Gonçalves, juiz liña Romario Tety, Cristóvão Alves no árbitru rezerva, Salvedór Cabral.

0 Comments

Sign In Sign Up Sign In By Facebook