Produtór Filme husi Estadu Unidu Amérika (EUA), Alrick Brown sente onradu tebes bele mai iha Timor-Leste. Nia haktuir katak rona, lee kona-ba Timor-Leste no nunka imajina iha nia moris atu bele to´o mai iha ne´e.

“Uainhira ha´u komprende istória Timór no ema Timór, liután mak haree ema Timór nia oin, ha’u relembra fali, ha’u haree ona ema oioin hanesan Timór, iha Jamaika, nune’e ha’u sente hanesan ha’u iha ha’u-nia uma rasik iha ne’e,” dehan Vensedór prémiu Sundance Film Festival Audience Award: World Cinema Dramatic , Alrick Brown, ba Ajénsia TATOLI iha Fundasaun Oriente, ohin.

Asistente profesór pós-graduadu ba filme no televizaun ne´e reforsa tan katak sente onradu prezensa partisipante sira husi UNTL (Universidade Nasionál Timor Lorosa´e), IOB (Institute of Bussiness) no mós filmaker timoroan sira no sente onradu liután rona partisipante sira-nia pergunta ho pasiénsia no domin.

“Ha´u hanoin jerasaun ne’ebé ha’u ko´alia ona iha semana ida ne’e mak jerasaun sira ne’ebé atu halo mudansa. Timor-Leste halo ona revolusaun ida no revolusaun tuir mai mak sei kona-ba artístiku nian,” nia kosidera.

Eskritór, produtór no Dramaturgu, Alrick Brown ne´e espera, estudante sira ne´ebé partisipa iha formasasaun bele hamosu ideia ka inspirasaun halo filme; iha filme ne’ebé atualmente ema tenke hadomi. “Buat ida ne’ebé ita boot hadomi no ida ne’e mak ita boot sei tau esforsu atu serbisu maka´as”.

“Espera katak buat ne’ebé akontese iha ne’e sei ajuda sira (partisipante) iha sira-nia viajen ba moris, ba filme. Saida de’it, pozisaun saida de’it mak sira deside atu banati tuir,” tenik

Baca Juga : Liga Voleibol Paradu Tinan Rua Ona

alumni

Universidade de Nova Iorque , Plainfield High School , Universidade Rutgers , Tisch School of the Arts ne´e.

Iha parte seluk, estudante IOB, Maria Filomena de Sousa informa katak sira aprende oinsá atu hakerek istoria, istoria husi ita-nia esperiénsia, aprende oinsá atu foka (shoting).

“Ita-nia istória bele fó sai liuhusi múzika, liuhusi filme, liuhusi novel no iha maneira barak atu hato’o istória,” dehan estudante IOB ne´e.

Estudante universitária ne´e akresenta, nu’udar joven di´ak liu ita aprende, labele husik ita-nia tempu ho buat ne’ebé la importante. “Tuur hodi hakerek istória ruma bazeia ba ita-nia moris, realidade ou esperensia ruma ne’ebé ita iha koko atu aprende oinsá atu hakerek, halo filme tanba liuhusi filme ita bele hato’o ita-nia sentimentu,” tenik akadémika ne´e.

Iha fatin hanesan, Estudante UNTL, Carlos Rosário dos Santos Piedade hateten, joven tenke iha hanoin oinsá atu promove ita-nia aan no promove talentu sira ne’ebé iha, hatudu ba mundu katak Timor-Leste mós iha talentu ne’ebé di’ak.

“Husi formasaun ne’e atu loke hanoin. Implementa atu halo filme ka video ne’ebé di’ak iha ita-nia rai Timor-Leste,” reforsa tan estudante Fakuldade Ekonomia no Jestaun, Departamentu Komérsiu no Indústria.

Entertantu, formasaun kona-ba filme ne´e realiza durante loron tolu, hahú 3 to´o 5 outubru. Partisipante ba formasaun ne´e mak produtór filme timoroan sira, estudante UNTL no mós IOB. Formasaun ne´e rasik formadór sira hatudu ba partisipante sira kona-ba oinsá prodús filme no konta istória liuhusi filme hahú husi inísiu to´o ramata.