Klube Kampiaun Primeira Divizaun no Super Tasa Liga Futeból Amadora (LFA) époka 2018, Boavista FC Timor daudaun ne’e fihir hela jogadór xave na’in tolu hosi AS Ponta Leste no jogadór DIT FC hodi reforsa klube ne’e iha époka dalimak LFA 2020 iha fulan-abríl.

Jogadór Prinsipál hosi AS Ponta Leste na’in-tolu ne’e maka Daniel Donko, Silveiro Garcia no Diogu Rangel inklui jogadór avansadu DIT FC, José Santos.

“Oras ne’e daudaun ami hala’o hela preparasaun ba ami-nia ekipa, maioria ami sei mosu ho oin foun maibé iha jogadór balun ne’ebé joga iha époka hirak liubá ami sei uza nafatin,” informa Responsável Boavista FC, Ezy Leong ba TATOLI via mídia sosial, segunda ne’e.

Nia parte mós sei halo aproximasaun ho jogadór sira seluk hanesan Nelson

Baca Juga : Marc Marquez Sabet Pole Position di MotoGP Aragon

Viegas, Diego Rangel, Angiso Barbosa, Zeca, Abrão, Nataniel Reis Franciatma Kefi, Daniel Dankor, Edit Savio, Silveiro Garcia, Rodolfo Basto, Henrique Martins, Danilson Araújo, Rama, Candido no seluk tan atu reforsa klube ne’e iha LFA 2020 tanba jogadór sira-ne’e, antes joga ona iha klube refere.

Entretantu, Eládio António maka sei sai nu’udar treinadór klube nian iha époka ida-ne’e no hetan asisténsia hosi treinadór Rodrigues.

Mezmuke klube hotu-hotu hala’o ona preparasaun maibé órgaun sira iha LFA seidauk loke transferénsia jogadór hodi hein to’o kongresu iha loron 21 fulan-marsu 2020.