Boavista FC Timor halakon ekipa estimadu Munisípiu Manatuto, Atlético Ultramar, ho golu mihis 1-0 iha jogu kontinuasaun Primeira Divizaun Liga Futeból Amadora (LFA) époka 2019 ne’ebé hala’o iha Estádiu Malibaca Maliana, sábadu ne’e.

Hosi vitória ne’ebé Boavista gaña konsege lori ekipa refere hakat besik ba Lalenok United FC ho pontu ne’ebé diferente mihis. Enkuantu, Ultramar mantein iha zona dezpromosaun.

Golu úniku Boavista marka hosi jogadór Edit Sávio (10) iha minutu 74.

Entretantu, jogu ne’ebé

Baca Juga : Gara-gara Virus Corona, MotoGP Qatar Dibatalkan!

hala’o iha loron hanesan iha Estádiu Munisipál Dili, Karketu Dili FC liki Académica FC ho golu 3-2.

Golu Karketu hatama hosi jogadór Eduardo da Silva iha minutu 48, 66 no Domingos Ramos iha minutu 90+2. Enkuantu, golu Académica nian hatama hosi Thore Kaba iha minutu 19 no João Bosco 89.

Hosi vitória ne’ebé Karketu hetan, izola kedas ekipa Universidade Nacional Timor Lorosa’e (UNTL) ne’e iha liña mean ka zona dezpromosaun no Karketu rasik asegura-aan ona iha zona seguru.