Conteudo Seluk

Kefi Ho Boaten Lori Boavista Manán Emanuel

DILI, 03 setembru 2020  Jogadór ho númeru kamijola 21, Francyatma Kefi ho nia amigu Boaten Apiah (77) konsege lori Klube Boavista FC Timor hodi manán Emanuel FC ho eskoru 2-0 iha jogu Kopa Federasaun Fureból Timor-Leste (FFTL).
Kefi hatama golu dahuluk iha minutu ida no Boaten iha minutu 29. Ho golu rua ne’e maka lori klube Boavista hetan pontu tolu hanesan mós AD.SLB no Kablaki FC iha Grupu D, enkuantu klube Lika-Lika no Emanuel FC ho pontu 0.
Antes ne’e, Boavista derota ho AD.SLB ho golu mihis 3-2, ho nune’e iha jogu sira tuirmai Boavista tenki esforsu aan atu manán Lika-Lika no Kablaki para hakat ba faze oitavu final.
Jogu iha kinta ne’e, dirije husi árbitru Pedro de Carvalho Júiz Liña António Carvalho, Joaquim Pereira no árbitru rejerva Romario Teti.
Maski lakon, treinadór Emanuel FC, Januario de Almeida, hateten orgullu ho performasaun husi jogadór sira nian tanba ho esperénsia oituan maibé halo jogadór Boavista atrapalladu.
“Ha’u orgullu los ho ha’u nia jogadór sira. Tan sira joga kapas tebes to’o halo jogadór seniór sira iha Boavista book aan araska maski sira manán maibé ha’u

Baca Juga : MU Menyedihkan Banget di Mata Valencia

satisfas,” dehan treinadór ne’e.
Tanba ne’e ba future, nia promete sei hadi’a fallansu ne’ebé iha nune’e bele kompete no manán iha jogu sira tuirmai.
Entretantu, treinadór Boavista, Miro Valdo Bento, kontente ho rezultadu ne’e maibé la kontente ho jogadór sira nia performasaun ohin nian.
“Rezultadu ha’u kontente, maibé jogu mak hau la satisfas. Jogadór sira la halo tuir saida mak ha’u orienta, sira la konsidera klube kiik mak ohin ami manán ho rezultadu hanesan ne’e.
Ha’u dehan fila fila ona ba sira maibé la halo tuir, ita tenke respeita ekipa sé de’it,” nia dehan
Jogadór legendariu ne’e otimista hakarak lori Klube Boavista hakat to’o faze oitavu final.

Fontes Noticia: tatoli.tl
Jornalista : Hortencio Sanchez
Editór : Agapito dos Santos

0 Comments

Sign In Sign Up Sign In By Facebook