Eis treinadór klube Primeira Divizaun Liga Futeból Amadora (LFA), Assalam FC no Karketu Dili FC, Simón Elissetce daudaun ne’e hetan ona kontaktu hosi Lalenok United FC atu sai hanesan treinadór prinsipál ba ekipa refere iha Liga époka dalimak.

Tanba ne’e, treinadór nasionalidade Chile ne’e sente kontente tanba bele hetan kontaktu hosi Prezidente Lalenok United FC, Pedro Belo atu sai hanesan treinadór.

“Ha’u kontente loos. Kontente sai treinadór ba jogadór Timor-Leste. Lalenok nu’udar klube ida-ne’ebé maka’as iha tinan kotuk. Entaun, ha’u-nia prezensa hakarak tahan nafatin Lalenok sai ekipa ne’ebé forte hanesan tinan kotuk,” Simón ba Agência Tatoli via email, kuarta ne’e.

Nia fó agradese boot ba Prezidente Lalenok tanba fó

Baca Juga : Lanjut Balap atau Pensiun dari MotoGP, Rossi Umumkan Nasib di Tengah Musim

ona konfiansa ba nia. “Agradese loos ba Prezidente klube tanba bele fó fiar ona mai ha’u. Buat hotu segunda ha’u to’o Dili maka ko’alia di’ak liután,” nia dehan.

Prezensa Simón hodi troka treinadór sesante Yance Matmei tanba treinadór nasionalidade Indonézia ne’e sei ba kontinua nia estudu hodi hasai lisensa treinadór kategoria nível aas nian iha Asian Football Confederation (AFC).

Enkuantu, iha Yance nia lideransa konsege lori Lalenok iha 2016 promovidu ba Segunda Divizaun no iha 2018 nafatin lori ekipa Lalenok promovidu ba Primeira Divizaun no iha 2019 nia nafatin lori Lalenok kampiaun tasa tolu iha époka ida.

Fó hanoin fali, iha époka 2017, Simón kaer Karketu Dili FC konsege lori klube kapitál Dili ne’e sai kampiaun LFA.