Conteudo Seluk

Negosiante Obralan Ai-mutin Sei Hamamuk Fatin

Negosiante roupa uzada (obralan) iha Aimutin, ohin simu ona orientasaun hosi Polísia Nasionál Timor-Leste (PNTL) ho ekipa Jestaun Merkadu Munisípiu Dili, atu hamamuk fatin durante loron tolu hahú 26 to’o 28 setembru 2019.
Bendito Amaral nu’udar negosiante hatete aseita ho desizaun ne’e maibé husu atu kria fatin foun ba sira.
“Ami prontu kontribui maibé parte Governu mós tenke kolabora ho Xefe Suku no Aldeia para deside hodi kria fatin seguru ida ba ami hodi ami bele fa’an ba nesesidade loron-loron nian”, hatete Bendito Amaral ba Tatoli Ai-mutin, ohin.
Hatan ba preokupasaun ne’e, Xefe Suku Komoro, Postu Administrativu Don Aleixo,

Baca Juga : Timor-Leste Komemora Loron Mundial Fase Liman Ho Sabaun

Eurico da Costa de Jesus, katak seidauk simu informasaun husi PNTL no Jestaun Merkadu Munisípiu Dili kona-ba planu ne’e.
Maibé autoridade lokál ne’e apoiu desizaun ne’e hodi husu ba negosiante sira atu submete ba desizaun hodi hamamuk ona fatin ne’ebá.
“Ha’u hakarak informa ba komunidade ne’ebé mak fa’an iha estrada ninin katak ita hotu tenke obedese ba lei no regulamentu”, katak Eurico de Jesus da Costa ba iha nia kna'ar fatin. 

0 Comments

Sign In Sign Up Sign In By Facebook