Conteudo Seluk

Komete Krime Esplorasaun Seksuál, Arguido Na’in Rua Ameasa Ho Pena Prizaun Tinan Tolu

Tribunal Distritál Dili (TDD), liu husi sesaun primeiru interrogatóriu halo julgamentu ba arguida ho inisiál NDS no ADS, tanba prezumivel komete krime “Esplorasaun Seksuál ba Terseiru” iha alínea 1 ne’ebé hatete, sé mak iha hanoin atu hetan benefísiu ka iha nia moris buka soran lia, fasilita ka halo oinsá kontribui atu nune’e ema seluk halo prostituisaun ka pratika asaun seksuál sira seluk sei kondena ho pena prizaun to’o tinan tolu.
Defeza ba arguida nain rua, Alfonso Gomes hatete, Ministériu Públiku promove ba ninia kliente na’in rua ho krime Esplorasaun Seksuál ba Terseiru ne’ebé previstu iha artigu 174 kódigu penal ho moldura penal bele to’o tinan tolu.
“Iha audiénsia primeiru interrogatóriu, liuliu iha produsaun prova laiha indísiu ida maka hatudu katak arguido na’in rua ne’e maka envolve iha krime ne’e no la iha koñesimentu,” hateten Afonso Gomes ba jornalista

Baca Juga : Ahi-Suar Manas Iha Fahi-Lebo Hahú Menus

sira, ohin, iha TDD.
Afonso husu ba Tribunal atu aplika Termu Identidade Rezidénsia (TIR), enkuantu husi parte Ministériu Públiku husu ba Tribunal atu aplika prizaun preventiva.
Tuir faktu katak arguido na’in rua hetan detensaun husi polisia iha Mascarinhas, Dili, iha segunda (27/01/2020), tanba simu keixa husi Konsellu Polisiamentu Komunitária (KPK).
Julgamentu ne’e adia fali ba kinta (30/01/2020), tuku 09:00 Otl, hodi rona desizaun ikus. Julgamentu ne’e preside husi juis singular, Albertina Neves, Ministériu Públiku reprezenta husi Prokuradór Benvinda do Rosário, arguida na’in rua hetan asisténsia legal husi advogadu privadu, Alfonso Gomes.

0 Comments

Sign In Sign Up Sign In By Facebook