Conteudo Seluk

TL Deteta Tan Kazu Konfirmadu Foun COVID-19

 Governu liuhosi Ministériu Saúde iha kinta ne’e deteta tan kazu konfirmadu foun COVID-19 husi Timoroan na’in ida ne’ebé foinlalais fila husi Denpasar Bali Indonézia ho Aviaun Citilink.
Ministra Saúde, Odete Maria Freitas Belo, hateten pasiente pozitivu coronavirus ne’e hanesan estudante no oras nee daudaun izola ona iha fatin izolamentu Sentru Saúde Vera-Cruz Dili.
Ho kazu foun ne’e maka Timor-Leste iha ona kazu konfirmadu sa’e ba 26, kazu 25 rekuperadu no kazu ida iha ona prosesu tratamentu iha sala izolamentu Vera-Cruz.

”Kazu ne’ebé mak ita deteta ne’e kazu importadu nafatin tanba ne’e mak sidadaun ne’ebé mak ohin deteta pozitivu ne’e nasionalidade Timorense hela iha Dili mane ho idade 25,” dehan Ministra Saúde durante konferénsia imprensa iha Palasiu Sinzas Caicoli, kinta ne’e.

Pasiente ne’e ho ninia viajen maihosi Denpasar Bali Indonézia iha loron 05 fulan-agostu hamutuk ho traballadór Timoroan iha Korea Súl,

Baca Juga : Toos-nain Grupu BALOR Kada Semana Hetan Dolar 100 Resin Husi Kantarreiru Ida

Estadu Unidu Amérika no Portugal ho Aviaun Citilink ne’ebé Governu liuhosi SEFOPE aluga mai Timor-Leste.
“Ita-nia maluk pozitivu ne’e estudante ne’ebé mak eskola iha Denpasar no sa’e tuir aviaun ne’ebé mak SEFOPE aluga mai iha Timor-Leste,” tenik Governante.

Tuir nia ekipa saúde husi Ministériu Saúde sei halo teste ba sidadaun Timoroan hotu ne’ebé foinlalais fila mai Timor-Leste ho Aviaun Citilink.
”Asaun ne’ebé mak Ministeriu saúde foti mak tenki teste filafali ema sira ne’ebé mak hamutuk ho ema sidadaun pozitivu ho aviaun hanesan no aumenta tan kuaretena loron 14 hahú sura husi ohin,” tenik Odete.
Pasiente konfirmadu COVID-19 ne’e hela iha Otél Faról Dili hamutuk ho okupante na’in 10.

Fontes: Tatoli.tl
Jornalista : Felicidade Ximenes
Editór : Agapito dos Santos

0 Comments

Sign In Sign Up Sign In By Facebook