Conteudo Seluk

SLB Marka Tan Istoria Foun Iha Liga Timor-Leste

Klube AD SLB Laulara ne’ebé lidera hosi Kay Rala Xanana Gusmão marka tan istória foun ida iha liga Timor-Leste, basá Liga Futeból Amadór (LFA) époka dahuluk SLB mak kampiaun primeiru, enkuantu Liga Juvenil Timor-Leste U-16 SLB mak loke odamatan kampiaun iha sábadu (08/02/2020).
Tanba ne’e, kapitaun SLB, Cristóvão Moniz Fernandes hateten sente kontente bainhira sai kampiaun iha Liga Juvenil ba dahuluk.
“Hanesan kapitaun no jogadór ha’u sente kontente tanba Liga ida-ne’e foin mak hahú maibé ami mak kampiaun dahuluk,” Cristóvão ba Agência Tatoli iha kampu Federasaun Futeból Timor-Leste (FFTL), Bairro Formosa, Dili, sábadu ne’e.
Entretantu, prémiu ba SLB hanesan primeiru lugár simu trofeiu ida ho osan hamutuk $4000, segundu lugár monu ba Académica FC hetan prémiu osan $3000, terseiru lugár monu ba AS

Baca Juga : Seidauk Iha Ema Atu Troka Marc Marques iha MotoGP Andalusia

Ponta-Leste simu prémiu $2000 no kuartu lugár ba kraik simu $1000.
Aleinde ne’e, klube mellór mak Fitun Estudante Lorosa’e (FIEL) hetan prémiu $500, mellór jogadór nafatin hosi jogadór FIEL, Fernando da Silva numeru kamizola 11 hetan prémiu $500. Mellór markadór hetan hosi jogadór SLB, Alexandre Kefi númeru kamizola 21 no golu ne’ebé nia prodús hamutuk 13.
Liga Juvenil hanesan liga ne’ebé hala’o dahuluk iha Timor-Leste ho nia objetivu prepara fini jogadór.
“Jogu Juvenil ne’e sei hala’o nafatin bá-oin. Ita sei la para. Fiar katak ba futuru ita bele hetan fini jogadór ba selesaun nasionál nian,” Adjuntu Sekretáriu Jerál FFTL, Frederico Martins dehan.
Jogu refere hetan tulun hosi Federation International Football Association (FIFA) no Asian Football Confederation (AFC).

0 Comments

Sign In Sign Up Sign In By Facebook