Conteudo Seluk

PNTL MANUFAHI PRENDE ATRIBUTU ARTE-MARSIAL HO TUDIK TOLU

Manufahi, 07 Maiu 2020 – Polísia Nasionál Timor-Leste (PNTL), munisípiu Manufahi, iha Kuarta ne’e (6/5), prende atributu arte-marsiál ho tudik tolu iha postu seguransa suku Daisua, Postu-Administrativu Same, baliza entre munisípiu Manufahi ho Ainaru.

Komandante PNTL Manufahi Superintendente Polisia, Joni Viana das Regras, wainhira hala’o vizita kortezía hamutuk ho ekipa komisaun tékniku Covid-19, ne’ebé xefia hosi administradór munisípiu iha postu seguransa 4 ne’ebé estabele iha área munisípiu Manufahi, informa katak iha prosesu pasa-revista ne’ebé PNTL hala’o iha postu seguransa kruzamentu suku Daisua, PNTL konsege prende atributu arte-martesiál nian hanesan

Baca Juga : TESI AI ARBIRU NO LIXU FO AMEASA BA BIODIVERSIDADE

sabuk, uniforme inklui sasán kro’at hanesan tudik tolu.

Joni Viana hateten katak atu garantia situasaun seguransa iha rai-laran, polísia kontinua mantéin órden tuir dekretu lei numéru 5, kona-ba atributu arte-marsiál ne’ebé estadu bandu no atributu inklui sasán kro’at ne’ebé polísia prende sei submete ba prosesu justisa.

Entretantu, Komandante PNTL Manufahi ne’e nafatin fó órden ba membru PNTL sira ne’ebé destaka iha postu seguransa 4 ne’ebé estabele iha baliza entre Munisípiu Manufahi ho Ainaru no Manatutu atu kontinua pasa-revista hodi garante situasaun seguransa inklui halo prevensaun Covid-19 iha munisípiu Manufahi.

0 Comments

Sign In Sign Up Sign In By Facebook