Conteudo Seluk

PNTL Koordena Ho ME Monta Seguransa Iha Eskola Ne’ebé Risku Konflitu

Komandu Polisia Munisípiu Dili koordena ona ho Ministériu Edukasaun (ME) Munisipál Dili sei monta seguransa iha eskola públiku sira ne’ebé risku ba konflitu.
Segundu Komandante PNTL Munisípiu Dili, Superintendente Asistente Euclides Belo dehan, polisia hala’o ona enkontru preparasaun no iha semana oin koloka membru Tránzitu, Ofisiál Polisia Suku (OPS) koordena ho Membru Konsellu Polisiamentu Komunitáriu (KPK) no autoridade sira atu hakbesik ba Eskola Ensinu Pre-Sekundária no Sekundáriu hodi akompaña lala’ok orientasaun iha eskola atu bele la’o ho di’ak.
Euclides dehan, PNTL asegura seguransa hodi evita mosu konflitu entre grupu estudante sira. Basá, dala ruma iha orientasaun kria fali problema iha eskola sai too mosu konflitu tuda malu iha fatin públiku hodi halo balun sai vítima tanba kanek no hetan baku.
“Ita hakarak asegura durante períodu orientasaun ba eskola

Baca Juga : Estudante Nobel Da Paz Nain Rua Hakotu Iis Molok Ezame Nasional

hotu iha Dili bele la’o di’ak, nune’e evita mosu insidente, dezentendimentu no konflitu tuda malu no krime iha eskola,” hateten Euclides Belo ba jornalista, kinta (09/01/2020), iha Komandu PNTL, Caicoli, Dili.
PNTL mós sei koloka membru intelijénsia sira iha eskola públiku ne’ebé tama iha kategoria risku konflitu, hanesan eskola sira iha área Comoro, Ai-Mutin, Becora ho Balidi.
“Fatin balun ita haree risku, maibé ami iha koordenasaun ho Diretór Edukasaun Munisípiu Dili nian para evita konflitu,” Euclides Belo hateten.
Parte PNTL mós sei sensibiliza informasaun kona-ba regra sinais tránzitu nian ba eskola sira hodi estudante sira uza transporte bele evita mosu asidente no insidente.

0 Comments

Sign In Sign Up Sign In By Facebook