Conteudo Seluk

Lorico Adventure Halao Tour Dalan Ba Memoria

Lorico Adventure ho nia membru nain 30-resin selebra loron Masakre Santa Krús ba dala-28 (12 novembru 1991-12 novembru 2019), liuhosi tour “Dalan ba Memória” hodi hale’u munisípiu 12 inklui Rejiaun Administrativu Espesiál Oe-Cusse Ambeno.
Tour ne’e hahú iha loron 01 novembru ne’ebé dezloka dahuluk ba RAEOA no termina ohin iha munisípiu Aileu hodi fila mai Dili. Iha tour ne’e grupu Lorico Adventure utiliza motor crosser akompaña dada ho bandeira nasionál RDTL no bandeira Komité 12 Novembru (K12N) tara iha motor lolon.
Ba Ajénsia TATOLI , ohin, iha Semitériu Santa Krús, Koordenadór Lorico Adventure hanesan mós sobrevivente Masakre Santa Krús, 12 novembru 1991, Nelson Turkel hatete, tour ne’e atu habelar nafatin istória 12 Novembru 1991 ba fatin hotu, liu-liu iha area rurál ba

Baca Juga : Polisia Investiga Hela Kazu Soe Bebe iha Fomento III

foin sa’e sira hodi kontinua hatene valór istória luta nian.
“Programa ne’e ami hala’o hahú iha tinan kotuk no tinan ne’e husi inisiativa ami nia rasik,” informa Nelson Turkel.
Tour ne’e prienxe ho atividade loke filme akontesimentu 12 Novembru 1991 no prienxe ho reflesaun ho joven sira iha kada munisípiu. Nune’e mós ekipa Lorico Adventure hala’o vizita ba mate restu 12 novembru nia rate ne’ebé iha munisípiu hodi presta omenajen.
Programa ne’e inisiativa mai husi ekipa Lorico Adventure sira rasik la hetan apoiu orsamentu lojístika ruma hosi governu, maibé utiliza rasik rekursu ne’ebé sira iha hodi kontribui ba eventu nasionál no istóriku Timor nian.

0 Comments

Sign In Sign Up Sign In By Facebook