Conteudo Seluk

Lalubur Estraga Uma-kain Ualu Nia Sasan Iha Metinaro

–Udan boot durante oras sia, hahú tuku13:00-22:00 otl, ne’ebé akontese iha sábadu (22/02), afeta uma-kain ualu iha Aldeia Behoki, Suku Sabuli, Postu Administrativu Metinaro, Munisípiu Dili.
Uma-kain ualu nia sasán hanesan kioske inklui animál hetan estragu tanba lalubur (inundasaun).
“Udan boot lori mota tama to’o ami-nia uma-laran hodi estraga kioske, sasán uma-laran, animál (fahi no bibi) no mós dokumentu hanesan diploma, sertidaun no seluk tan”, abitante afetadu inundasaun, Francisca Soares Rodrigues ba jornalista iha Aldeia Behoki, domingu ne’e.
Nia haktuir inundasaun ida-ne’e foin primeiravez akontese iha fatin refere.
Entretantu, Sekretáriu Estadu Protesaun Sivíl, Alexandrino Xavier de Araújo hateten bainhira nia simu informasaun husi Diretór Jerál SEPS, nia orienta kedas ekipa ohin dadeer hodi halo observasaun ba fatin akontesementu no foti dadus komunidade afetadu husi inundasaun.
“Ha’u simu informasaun husi Diretór Jerál Sekretaria Estadu Protesaun

Baca Juga : Governu Kria Task Force Halo Jestaun Ba Santuario Ramelau

Sivíl (SEPS), Superintendente Asistente Polísia, Ismael da Costa Babo informa katak inundasaun akontese iha Aldeia Behoki hodi afeta komunidade nia uma no estraga sasán hotu inklui animál balun. Nune’e, ohin ami-nia ekipa halo kedas observasaun ba fatin ne’ebé afeta inundasaun”, nia esplika.
SEPS akresenta, dadus provizóriu ne’ebé mak ekipa SEPS rekolla, komunidade afetadu hamutuk uma-kain ualu (8).
“Ami foti ona dadus provizóriu no ami kontinua foti dadus atubele tulun emerjénsia ba komunidade afetadu”, Alexandrino informa.
Nia tenik, SEPS mós halo ona kontaktu direta ba
Ministériu Obra Públika (MOP) atu mai normaliza tiha mota para bee la’o tuir nia dalan nune’e labele estraga tan komunidade nia uma.
Tuir informasaun, ohin, SEPS sei distribui apoiu emerjénsia ba família afetadu iha tuku 15:00 otl.

0 Comments

Sign In Sign Up Sign In By Facebook