Conteudo Seluk

Komunidade Taibesi Preokupa Ho Fahi Nia Dois

Komunidade Suku Bemori, Aldeia My friend (Matando) tinan ida ona moris la hakmatek tanba loron no kalan horon hela de’it animál liliu fahi nia dois tanba família viziñu sira balun haki’ak iha luhan laran.
Komunidade Aldeia My Friend, Domingas Garcia la kontente tanba moris iha kondisaun ida saudavel tanba ne’e nia husu ba autoridade Munisípiu Dili atu haforsa fali atividade kontrolu fahi sira atu nune’e bele hakat mai bairru Taibesi hodi haree kondisaun fahi ne’ebé familia viziñu balun haki’ak.
“Ha’u ho labarik sira labele ona atu horon beibeik dois ne’e tanba forte tebes halo ita han mós la di’ak. Ha’u husu de’it ba nain ulun Munisípiu Dili nian atu halo fali vizilánsia ba animal sira ne’e,” Domingas Garcia dehan, iha Aldeia My friend, ohin.
Impaktu dois husi fahi ne’e, tuir nia katak tanba luhan ne’e laiha kondisaun di’ak, la nahe sementi. Depois fahi na’in sira fó han ho hahan sin de’it, entaun kuandu fahi han la hotu naklekar iha luhan laran udan tau tan kria dois maka’as loos.
Nune’e mós, Eufrainha Soares Komunidade Aldeia Refere sente la hakmatek mós. Nia dehan, distánsia husi uma ne’ebé nia hela ba to’o fatin haki’ak animál ne’e purvolta metru atus ida(100 m) maibé dois ne’e maka’as duni

Baca Juga : Kompania Victoria Construction Sei Reabilita Jinaziu Dili

halo sira mós labele han ho hakmatek.
“Ita iha família ne’ebé sempre mai vizita ita, dala ruma ita atu tau buat ruma, sira dehan de’it lalika ida ami han ka hemu tiha ona,” nia tenik.
Tanba ne’e, nia husu ba autoridade kompetente atu realiza fali programa kontrola animál fahi sira iha kapitál Dili ne’e, no mós sira ne’ebé haki’ak iha luhan laran kundu la prinxe rekezitu di’ak liu oho hodi fahe ba ospitál, no maluk sira iha prizaun atu nune’e labele lori fali moras ba ema seluk.
Iha parte seluk, Amelia Cruz na’in ba fahi ne’e hateten, nia hanoin ona atu hadi’a maibé rai la’ós ninian tanba ne’e presiza ko’alia uluk ho rai na’in. Kuandu iha ona lisensa nia sei hadi’a. Tan ne’e nia husu tempu ba família sira hotu ne’ebé hela besik atu fó netik tempu hodi hetan solusaun atu rezolve luhan ne’e ho rai na’in sira.
Entertantu, Domingos dos Santos na’in ba rai dehan antes ne’e fahi na’in ko’alia ho nia atu tau provizoriamente de’it tanba sira iha lia mate ida. Entaun rai nain ne’e mós fó fatin. Agora tinan ida liu ona loloos tenke hasai ona tanba, tuir nia, nia mós la tahan ho iis. Depois halo viziñu sira mós hasee beibeik nia ho kondisaun luhan ne’ebé dois.

0 Comments

Sign In Sign Up Sign In By Facebook