Conteudo Seluk

Inan-Aman Estudante Bolseiru Preokupa Ho Kondisaun Oan Sira Iha Wuhan

Inan-aman husi estudante bolseiru sira preokupa ho kondisaun oan sira nian iha Wuhan Xina, relasiona ho kazu vírus corona tanba ne’e sira hasoru malu ho Ministru Negósiu Estranjeiru no Kooperasaun (MNEK), Dionísio da Costa Babo Soares, inklui ministériu relevante sira hodi buka solusaun.
“Hanesan inan-aman preokupa liu sira-nia lojistika, han hemu, agora dadauk mihis los ona tanba sira la preparadu,” Belarmino da Silva nu’udar aman ida husi Bolseiru ba jornalista sira bainhira enkontru MNEK, Dionísio Babo Soares, iha edifísiu MNEK, Praia dos Coqueiros, ohin.
Nia reforsa, hanesan inan-aman sira sei kria Komunikasaun ho Kooperasaun nafatin ho parte relevante sira ne’e, atu nune’e, buat ne’ebé maka ko’alia ho MNEK bele realiza no oan sira iha Wuhan bele hetan asesu liliu ba hahan no hemu. “Agora dadaun sira-nia kondisaun di’ak hela tanba, sira izola hela sira-nia aan iha sira-nia kuartu laran,
só que , sira-nia hahan hotu,” família bolseiru ne’e dehan.
Belarmino da Silva haktuir katak durante sorumutu ho MNEK, MNEK informa ba sira katak sei koordena ho Ministériu Ensinu Superiór, Siénsia no Kultura (MESSK) no Ministériu Saúde (MS) nune’e bele solusiona, la’ós de’it ba hahan no hemu maibé, hanusa mak iha posibilidade atu nune’e hodi estudante sira sai karik, hodi sai hanusa para seguru.
Iha parte seluk, Ministru Dionísio da Costa Babo Soares informa: “Ohin, inan-aman balun husi ita-nia oan sira eskola iha ne’ebá ne’e, liliu sira iha sidade Wuhan, mai hasoru malu ho ami atu ko’alia kona-ba kestaun ida ne’e, oinsá fó protesaun no hola medidas para haree ita-nia

Baca Juga : Estadu tenke fó pensaun vitalísia ba veteranu sira

oan sira iha ne’ebá”.
Eis-Ministru Justisa iha Sestu Governu ne’e dehan, Sidade Wuhan agora governu Xines taka ona. Katak, karreta, Aviaun ka Roo, labele ba iha sidade ne’e. “Estudante sira ita-nia hamutuk iha sidade ida ne’e hamutuk 17 ne’e, agora iha hela sira-nia hela fatin, graças Adeus sira di’ak hotu hela, maibé ita tenke haree to’ok medida saida ita hola para bele fó apoiu ba sira”.
Diplomata timoroan ne’e hatutan, Governu Xines ne’ebé embaixada iha ne’e ita kontaktu tiha ona, sira hateten katak, labarik sira-nia situasaun di’ak hela hanesan mós ho estudante sira seluk.
“Só que tanba, sidade ne’e dezertadu ema kuaze la iha hotu loja barak taka, balun de’it mak loke no tanba moras ne’e kontaziozu. Estudante timoroan sira mós ta’uk atu sai, ta’uk atu hetan kontaminadu husi moras ne’e, ne’ebé Governu Timor-Leste kontaktu nafatin liuhusi Embaixada iha Beijing, kontaktu nafatin ho alin sira ne’e,” nia reforsa.
Atu solusiona situasaun ne’e, tuir governante ne’e katak MNEK sorumutu ho MESSK ho MS hodi toma medida. “Ezemplu, ne’ebé mak ita hakarak halo medida ba ita-nia oan sira ita halo kedas, ne’ebé solusaun ita tenke hein uluk iha ne’ebá tanba ita dook hela. Sei enkontru lai ho ministériu sira seluk, haree to’ok medida saida ita halo”.
“Iha medida barak, ida mak ho ita-nia oan sira iha ne’ebá, ida mós prevene no koidadu ho ema sira mai ita-nia ra’n tanba, iha ema nia rain ne’ebá iha hotu fasilidade, atu bele prevene proteje ou kura,
mas tama mai iha ita-nia ita halo nusa,” nia konsidera.

0 Comments

Sign In Sign Up Sign In By Facebook