Conteudo Seluk

Debitu Bee Menus Ba Beibeik

Kauza hosi bailoron naruk, tinan ne’e, halo débitu bee iha bee ulun sira, inklui posu sira iha Dili laran no fatin seluk menus ba beibeik.
Fonte bee ne’ebé fornese ba komunidade sira iha Dili laran tomak iha mota ulun Comoro nian. Maibé iha fulan hirak ikus ne’e volume bee menus liu tan hodi prejudika iha fatin balun la bele asesu bee ho di’ak.
Xefe Departamentu Abastesimentu Água (DAA) Munisípiu Dili, Francisco Xavier Pereira, informa, volume mota Comoro, loron ba loron menus ba beibeik tanba impaktu hosi bailoron naruk, tinan ne’e.
Ba Ajénsia TATOLI, ohin, iha nia servisu fatin, Caicoli, Dili, Francisco Xavier Pereira hateten, atu asegura populasaun sira kontinua asesu bee mezmu ho volume natoon, Servisu Abastesimentu Água fahe oráriu distribuisaun bee. Ezemplu iha Instalasaun Tratamentu Bee Moos (WTP-sigla Inglés) sentrál iha Bairru-Pité, dadeer distribui uluk ba Ailok-laran, meudia taka tiha mak la nakonu entaun dadeer loron tuir mai mak distribui tan ba Surik Mas depois mak iha Palapasso nian.
“Ami halo esforsu ho maneira balun, mak halo instalasaun bomba ida iha Bairru-Pité atu bele suporta enxe bee hosi posu hodi sai rezervatóriu no ami bele distribui,” Francisco

Baca Juga : Quique Setien Segera Gantikan Posisi Ernesto Valverde?

Pereira hatete.
Hosi sorin seluk, tuir informasaun ne’ebé públika iha kronolojia Facebook SAS Timor-Leste katak, tanba bailoron naruk halo degradasaun débitu bee hosi bee ulun. Atuál débitu bee ne’ebé tama iha tanki Instalasaun Tratamentu Bee Moos (WTP) Sentrál Cacaulidun, 26 litru/S de’it no peziza horas 32 mak foin enxe nakonu ba tanki rezervatóriu ho kapasidade 3.000 m3, maibé tanba nesesidade, Departamentu Abastesimentu no Água (DAA) Dili-Diresaun Nasionál Servisu Água (DNSA) halo distribuisaun de’it ona maske bee ladauk nakonu. Tanba ne’e iha parte balun hetan bee normál no parte balun hetan oras ida ka rua de’it iha loron ida nia laran no parte balun oras sorin de’it.
Alende ida ne’e DAA Dili-DNSA mós fahe bee kada loron ba area ida-idak iha area tolu mak hanesan; Ailok Laran, Surik Mas no Palapasso ne’ebé kada area sei folga loron rua, tanba bee la to’o bainhira fornese ho tempu hanesan ( serentak). Maske nune’e, DAA Dili-DNSA esforsu-an nafatin oinsá atu back-up hosi estasaun bomba sira seluk, hodi nune’e bele utiliza bee moos ho natoon ba nesesidade populasaun iha sidade Dili.

0 Comments

Sign In Sign Up Sign In By Facebook