Conteudo Seluk

Ahi Han Uma Rua Loja Ida Baraka Negosiu Ualu Ho Motor Ida Iha Merkadu Liquica

Negosiante lubun ho komunidade sira iha Munisípiu Liquiça, ohin dadeer, purvolta tuku 09:00 Otl, hakfodak ho akontesimentu ahi han Merkadu Liquiça Vilam Suku Maumeta, Postu Administrativu Bazartete.
Ahi ne’ebé lakan ho lalais no maka’as tebes kauza hosi eletrisidade sirkúitu iha loja ida nia laran ne’e rezulta uma loja boot ida, uma rua, motor ida ho baraka negósiu nian ualu.
Informasaun provizóriu hosi pontu fokál Sekretáriu Estadu Protesaun Sivíl (SEPS) Munisipiu Liquiça nian katak, to’o oras ne’e sira nia parte kontinua rekolla dadus vítima hosi inséndiu ne’e no buka hatene halo kle’an liu tan kona-ba motivu hosi ahi han merkadu refere.
” tuir informasaun ne’ebé ami rekolla katak derrepente lian sirkuitu ahi eletrisidade iha loza laran no ahi komesa trambe iha loja refere hodi da’et lalais to’o komunidade nia uma

Baca Juga : Amu Arnaldo mate ho kondisaun tuur iha kadeira

ho baraka negósiu lubun ida ne’e,” informa Xefe Diresaun Dezastre Munisípiu Liquiça, Dionísio de Jesus da Costa, hodi responde Ajénsia TATOLI via telefone.
Diresaun Dezastre Munisípiu Liquiça, autoridade lokál no polisia halo kedas koordenasaun ho parte EDTL hodi dezliga liña eletrisidade ba area merkadu nian atu evita inséndiu ne’e alastra ba komunidade sira seluk nia uma.
Diresaun Dezastre mós koordena ho kompañia privadu fornesedór bee moos atu ajuda rega mate ahi no evakua vítima sira ba fatin dignu hodi halo verifikasaun no fasilita apoiu emerjénsia ruma.
Akontesimentu ne’e la rezulta ema kanek no mate, maibé halo vítima negosiante sira sente triste no tanis tanba lakon sasán barak.

0 Comments

Sign In Sign Up Sign In By Facebook