Conteudo Seluk

ANASTACIO DA COSTA OKUPA 1 LUGAR KOMPETISAUN Mr. BODYBUILDING-Mr.PHYSIQUE 2018

      Atleta Anastácio da Costa okupa posisaun kampiaun ba kategoria Bodybuilder iha kompetisaun ne’ebé hala’o iha Timor Plaza, Díli, Kinta (21/06/2018), horas 19:00-remata OTL.
Anastacio okupa primeiru lugar hafoin kompete ho atletas hamutuk 40 resin, ne’ebé harame tebes kompetisaun Mister Bodybuilding no Mr Physique Tinan 2018.
Atleta husi Strong GYM ne’e halakon adversariu Domingos Cárceres husi Chico GYM ba pozisaun segundu lugar no Jenizio Guterres husi Strong GYM ba pozisaun terseiru lugar.
Hafoin simu taxa Anastácio da Costa sujere ba komisaun atu kada tinan realiza eventu ne’e, nune’e bele fanun no hasa’e talentu juventude Timor-Leste.
“Hau agradese ba Aman Maromak e ba hau nian familia fen ho oan no adeptus ne’ebé mak fó ona suporta maxímu, tanba ne’e hau kontente tebes. Hau ho kolega hotu-hotu nian hakarak, eventu hanesan ne’e tenke halo bebeik, atu fó motivasaun ba juventude Timor-Lorosa’e nune’e halakon tiha buat ne’ebé mak mentalidade kriminozu no halakon tiha la gosta malu, liu husi kreatividade desportu fitness no ezersisiu sira seluk,” hateten atleta klubu Stong GYM, Anastácio Da Costa.
Anastácio husu ba maluk juventude iha teritoriu tomak Timor-Leste atu labele koalia iha kotuk deit maibe tenke h

Baca Juga : FOKUPERS Rejista Kazu Violasaun 273 Hasoru Feto no Labarik

atudu iha Palku leten.
“Ema hotu-hotu labele halo, kuandu ita koalia deit iha kotuk, ita tenke iha fitness, halo ezersisiu, disiplina no tau án núdar atleta ida atu hatudu iha palku leten. Premiu ne’ebé mak hau hetan, hau didika ba juventude Timor-Leste tantu rai laran nomos rai liur, trofi ne’e ba sira (juventude TL- Red ), katak ita Timor oan mos bele,” salienta atleta Anastácio da Costa.
Lee hotu : Federação Taekwondo TL sei prepara atleta ba Asian Games 2018
Anastácio dehan, nia parte prontu atu reprezenta Estadu Timor-Leste iha estranjeirus iha nasaun ne’ebé deit, karik hetan fiar husi Governu no Estadu Timor-Leste.
Iha kategoria Physique, primeiru lugar okupa husi atleta Precencio Ximenes husi Harmony Fitness.
Segundu lugar okupa husi Hesron de Jesus husi Super GYM no terseiru lugar okupa husi Santiago de Carvalho husi CONY GYM.
Kompetisaun ne’e ho objetivu atu haforte fiziku no espiritu atleta Timor oan sira hodi bele forte liu tan.
Eventu ne’e hetan partisipasaun maximu husi atletas GYM iha kapital Díli ho grupu diferente.

by: gmntv.tl

0 Comments

Sign In Sign Up Sign In By Facebook