Conteudo Seluk

Laiha Propagasaun COVID-19, MS: Ema Hotu Bele Halo Atividade Grupu

Ministra Saúde (MS), Odete Maria Freitas Belo, hateten, ema hotu bele halo ona atividade grupu hanesan festa no selu-seluk tan, tanba laiha ona propagasaun Corona Virus Disease 2019 (COVID-19) iha Timor-Leste.
“Moras COVID-19 laiha rai-laran, laiha propagasaun, tanba MS halo hela vijilánsia sentinela katak pasiente ne’ebé ba ospitál no sidadaun husi liur ita kontinua halo check ba sira, hasai sampel, ba teste no rezultadu husi sampel ne’e laiha ida mak pozitivu no ida ne’e hatudu katak virus la sirkula iha rai-laran, nune’e bainhira ita boot sira la uza máskara ou halo festa ruma ami labele bandu, ami ladún
restringir sira nia direitu, tanba virus laiha”, MS hato’o deklarasaun ne’e hafoin enkontru ho Vise Primeira Ministra (PM) no Ministra Solidaridade Sosiál no Inkluzaun (MSSI), Armanda Berta dos Santos iha MSSI, Caicoli-Díli, Tersa (21-07-2020).
Governante ne’e akresenta, atu mantein laiha propagasaun COVID-19 mak tenke asegura servisu iha fronteira, portu, aeroportu no bele kontrola ema iha rai-laran la presiza limita sira nia direitu.

“Importante mak MS halo liña

Baca Juga : Kompania Victoria Construction Sei Reabilita Jinaziu Dili

koordenasaun di’ak ho ministériu relevante sira seluk para asegura fronteira, tanba moras ne’e mai husi fronteira no tanba rai-laran moras la sirkula”, dehan Odete.
Kazu konfirmadu COVID-19 iha Timor-Leste deteta ikus iha loron 24, fulan Abril, tinan ne’e, hamutuk na’in 24, maibé hafoin iha loron 15, fulan Maiu, pasiente hirak ne’e rekoperadu hikas hodi fila ba uma.

Fonte De Notícias:GMNTV

0 Comments

Sign In Sign Up Sign In By Facebook