Conteudo Seluk

Husik Lalenok Tanba Yance Hakarak Hasai Tan Lisensa B AFC

–Treinadór prinsipál Lalenok United FC, Yance Matmei hateten daudaun ne’e nia iha hela Indonézia hodi tuir kursu hodi hasai tan lisensa B Asian Football Confederation (AFC) nian. Tanba ne’e maka nia husik Lalenok.
“Agora ha’u iha hela Indonézia. Ha’u sei tuir kursu treinadór nian atu aumenta tan ba lisensa B hodi kompleta regulamentu AFC. Ha’u la’ós haree ba kualidade ne’ebé ha’u iha ladi’ak tanba ha’u oferese ona títulu tolu ba Lalenok,” Yance ba Agência Tatoli via email, kinta ne’e.
Nia dehan, troka treinadór hosi klube ne’e normál iha mundu futeból.
“Ha’u hanoin klube ida troka treinadór ne’e normál iha mundu futeból.

Baca Juga : Rekor Fantastis Messi, Minimal 40 Gol dalam 11 Tahun

Treinadór bele di’ak maibé xave fila ba jogadór. Bainhira jogadór sira hatudu disiplina, fiar treinadór no iha amizade, ekipa sei la’o ho susesu,” treinadór nasionalidade Indonézia ne’e haklaken.
Kursu ne’ebé treinadór ne’e tuir ne’e nia durasaun kuaze fulan ida. Iha kursu ne’e modul rua. Modul ida nia durasaun semana rua.
Yance subliña, bainhira ramata kursu, nia sei fila hikas mai Timor-Leste. Karik klube balun tau-matan ba nia, nia sei kaer fali klube ne’ebé presiza nia.

0 Comments

Sign In Sign Up Sign In By Facebook