Conteudo Seluk

Grupu Arte Mambae Rai Husar Voluntariamente Halibur Lixu Halo Resiklajen

Grupu Arte Mambae Rai Husar, Munisípiu Aileu ho inisiativa, kreatividade no esforsu, voluntariamente, halibur lixu sira liuliu akua-matan sira hodi halo resiklajen ba produtu artezanatu sira hanesan meza, kadeira, vazu no seluk tan ba nesesidade ema nian lorloron.
“Ami-nia haree mundu ida agora lixu mós iha ninian funsaun. Kuandu ita ko´alia kona-ba resiklazen lixu, ita bele uza lixu sai produtu artezenatu bainhira ita hakarak hodi konsensializa komunidade katak lixu mós iha ninian vantajen ne’ebé boot liu,” esplika Koordenadór Grupu, Henrique Rodriguês ba Ajénsia TATOLI, iha sabraka laran, Aileu vila, ohin.
Nia haktuir katak iha 2016 ba ho nia maluk ho maluk na´in haat seluk inísia hanoin ida katak bele transforma lixu sai produtu resiklazen ida.
“Ami-nia grupu ne’e ami na´in lima maka inísia rasik, primeiru ho pintura depois kle´ur ami tuur hamutuk kria produtu seluk entaun komesa hanoin katak hili akua-matan sira ne’ebé soe iha dalan halo sai produtu ida maka ohin loron bele realiza duni husi akua-matan halo ba kadeira, meza”.
Prosesu halo akua-matan sai kadeira no produtu sira seluk ne’e, tuir Koordenadór Henrique Rodriguês mai husi nian profisaun hanesan profesór.
“Ha’u mós hanesan profesór ida iha eskola Sekundária Saõ Pedro, Sao Paulo, bainhira estudante sira terlambat (atrazadu) ha’u haruka sira hili akua-matan iha dalan ninin, husi akua-matan ne’e ami rai hamutuk. Nune’e mós ha’u rasik hamutuk ho ha’u-nia grupu ami hili akua-matan sira ne’ebé soe iha dalan ninin inklui
minuman (bebida) floridina nian no agora akua-matan no floriduna nia matan laiha ona iha Aileu laran tanba ami hili hotu tau pasta bo’ot ba halo trasformasaun sai fali kadeira no produtu artezenatu sira seluk,” dehan Herique.
Profesór ne’e mós hateten katak nia asaun hili akua mamuk ne’e nia halo husi Aileu tama to’o Dili no Lixu fatin Tibar ho nian motorizada rasik. “Ami kadavez hamutuk ho ami-nia grupu lori pasta bo’ot hili akua-matan to’o tiha Jardin Habibie nian no dala ruma mós tama to’o iha

Baca Juga : Kazu soke mate aman ho oan, FM konsidera MP ho PNTL hatudu frakeza iha publiku

Tibar tanba de´it hili akua-matan,” haktuir nia.
Nia konta tuir, alende sira hili akua-matan, hili mós besi aat ne’ebé maka ema soe iha fatin lixu Tibar mai solda hamutuk depois hahú tau akua-matan no sai kadeira, meza, nune’e mós vazu ai-funan no produtu sira seluk mós.
Tuir Henrique katak sira-nia asaun trasforma lixu ne’e atu minimiza lixu iha Munisípiu Aileu rasik no konsensializa komunidade katak labele soe lixu maibé lixu ne’e bele transforma ba iha resiklajen ba produtu saida de´it ne’ebé maka bele folin iha ema nia matan no dada ema nia interese.
Nia dehan, ema barak maka apresia tebes ba produtu ne’ebé maka nia ho nia grupu halo ida ne’e enkoraja nian hodi halo produsaun liután maibé limitasaun orsamentu. “Nu´udar koordenadór ba grupu ne’e ami uza ami osan rasik, seidauk iha suporta fundu husi parte balun. Agora ami la´o mesak ho ami nia fundu rasik”.
Grupu Arte Mambae Rai Husar informa mós katak nia parte hato’o ona proposta ba iha Munisípiu Aileu atu apoiu Grupu Arte Rai Husar maibé seidauk iha resposta. Maske nune´e, tuir nia la buat ida naran sira hatudu rezultadu ruma husi esforsu hili lixu liuliu akua-matan ne´e.
“Nu´udar sidadaun Timoroan kontribui ba saida maka bele kontribui, kontribui ba ambiente ne’ebé moos no saudavel la´ós hahú ohin bainhira tan?,” nia salienta.
Nia hatutan: “Privilejiu bo’ot ami bele promove liután ami nian produtu ne’e iha feira ida ohin ne’e. Ida ne’e nu´udar oportunidade promosaun, karik ami bele fa´an paket (pakote) dolár 50 ”.
Responsável másimu Grupu Arte Rai Husar, Henrique Rodriguês relata katak loron ida sira bele prodús kadeira ida no meza ida uza akua-matan ne’e inklui prodús vazu ai-funan uza akua-matan.
Ninian esperasa katak tempu ruma feira iha Dili nia hakarak lori nia grupu produtu ba halo promosaun iha no futuru espera sira bele kontribui liuhusi produtu bele hamenus lixu iha Munisípiu Aileu rasik.
Entretantu, kriasaun grupu voluntáriu ne´e mak atu eduka komunidade hodi iha konsiénsia kuidadu lix

0 Comments

Sign In Sign Up Sign In By Facebook